1200 x 80 DMirror

 
 

60 සහ 70 දශකවල මෙරට සිනමාවේ ප්‍රවීණ හා ජනප්‍රිය රංගන ශිල්පිනියක වූ ස්වර්ණා කහවිට අභාවප්‍රාප්ත වී තිබෙනවා.

වසර 50 කට අධික කාලයක් මෙරට සිනමාව වෙනුවෙන් සිය දායකත්වය ලබාදුන් ඇය කලක් රෝගාතුරව සිට අභාවප්‍රාප්ත වී ඇත.

ප්‍රවීණ සිනමාපත්‍ර කලාවේදී ආරියරත්න කහවිටගේ නැගණියක් වන ඇය ”වෙසතුරු සිරිත” චිත්‍රපටයේ ඉතා සුළු චරිතයක් රංගනය කරමින් සිංහල සිනමාවට පිවිසියාය.

අනතුරුව ”බිනරමලී” චිත්‍රපටයේ බිනරමලී ලෙස මුල්වරට ප්‍රධාන චරිතයක් නිරූපණය කළ ස්වර්ණා කහවිට 1970 වසරේදී එම චරිතය වෙනුවෙන් හොඳම නිළියට හිමි සරසවිය සම්මානයෙන් ද පිදුම් ලැබුවාය.

ලස්සන දවසක්, රන් ඔන්චිල්ලා ,පූජිතයෝ, හරි යනකොට ඔහොම තමයි ,අබිරහස, සිරිල් මල්ලි, සසර, ඔන්න බබෝ බිල්ලො එනවෝ, නිවෙන ගින්න, සූරයා සූරයාමයි, හරිම බඩු තුනක්, රහස් දූපත, රෑණ ගිරව්, රං ඔන්චිල්ලා, දයාබර නිලූ ආදී චිත්‍රපට 35කට ආසන්න සංඛ්‍යාවකට ඇය රංගන දායකත්වය ලබා දී ඇත.

ස්වර්ණා කහවිට සමඟ වැඩි වාර ගණනක් ප්‍රධාන චරිතයක් ලෙස චිත්‍රපටවලට රංගන දායකත්වය ලබා දී ඇත්තේ රංගන ක්ෂේත්රයේ දැවැන්තයකු වූ විජය කුමාරතුංගයන් ය.

ඇගේ දේහය පිළිබඳ අවසන් කටයුතු බොරැල්ල කනත්තේ දී හෙට (24) පස්වරු 4.30ට සිදුකිරීමට නියමිතය.

 

 
 

subscribeYT

subscribeYT

WhatsApp Image 2021 09 13 at 13.49.58

නවතම පුවත්